Dünya

Yaponiyada girovla bağlı iclas keçirilib

31 Yanvar 2015 21:40

İŞİD tərəfindən girov götürülmüş Kenzo Qotonun azad edilməsi ilə bağlı yaranmış böhranlı vəziyyətlə əlaqədar Yaponiyanın Baş naziri Şinzo Abe yanvarın 31-də axşam öz iqamətgahında xüsusi iclas keçirib.

İclasda Nazirlər Kabinetinin Baş katibi Yoşihide Suqa və xarici işlər naziri Fumio Kişida iştirak ediblər.

Baş nazirə son informasiyalar nəzərə alınmaqla yaranmış vəziyyət haqqında məlumat verilib. Sonra iclas iştirakçıları bundan sonra atılacaq addımları müzakirə ediblər.

İclasdan sonra Yoşihide Suqa jurnalistlərə bildirib ki, Ş.Abe yaranmış vəziyyəti son dərəcə əlverişsiz adlandırıb. Baş nazir Y.Suqaya və F.Kişidaya göstəriş verib ki, İordaniya və digər qonşu ölkələrlə əməkdaşlıq şəraitində Kenzo Qotonun azad olunması üçün gərgin və hərtərəfli işi davam etdirsinlər.