• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

İstanbulda yeni metro xətti açılıb

  • Dünya
  • 15 Fevral 2014 18:11
  • 774 Baxış
İstanbulda yeni metro xətti açılıb

Fevralın 15-də İstanbulda yeni metro xətti istifadəyə verilib. Şişhane-Yenikapı yeni metro xəttinin açılışında Türkiyənin Baş naziri Rəcəb Tayyib Ərdoğan və digər rəsmi şəxslər iştirak ediblər.

Hazırda İstanbul Metropoliteni 8 xətdən ibarətdir. Onlardan altısı İstanbulun Avropa hissəsində yerləşir. İstanbul metrosunda 62 stansiya var, onlardan 30-u tikinti mərhələsindədir. İstanbul metrosunun ümumi uzunluğu 122 kilometrdir.

Qeyd edək ki, fevralın 12-də Türkiyənin paytaxtı Ankarada da metropolitenin yeni xətti istismara verilmişdi. Metronun yeni Batıkent-Sincan xəttinin açılışında Prezident Abdullah Gül, Baş nazir Rəcəb Tayyib Ərdoğan və digər rəsmi şəxslər iştirak etmişdilər.

Tikintisi 2012-ci ilin fevral ayından başlayan Ankara Metropoliteninin yeni xəttinin uzunluğu 15,5 kilometr təşkil edir. Metronun yeni xəttinə 11 stansiya birləşdirilib.

Ankara Metropoliteni 1996-cı ildə istismara verilib, 22 stansiyadan ibarətdir. Paytaxtın metro xəttinin ümumi uzunluğu 60,4 kilometrdir.

Xəbər lenti

DAHA ÇOX XƏBƏR