Dünya

İçində 200 sərnişin olan bərə yoxa çıxıb

7 Fevral 2015 16:22

İndoneziyanın təhlükəsizlik qüvvələri iki gündür itkin düşən “Taruna Makmur” adlı bərəni axtarır.

Publika.az xarici mətbuata istinadən xəbər verir ki, bərə Pare-Paredən (Cənubi Sulavesidə əyalət) Tancunq (Şərqi Kalimantanda əyalət) limanına gedirmiş. Verilən məlumata görə, bərədə 197 sərnişin olub.

İndoneziyanın Balikpapan limanının axtarış-xilasedici xidmətinin rəhbəri Hendra Sadirman deyib: “Görünür, bərə limanda qeydiyyatdan keçmədən Pare-Paredən çıxıb. Pare-Pare-Tancunq marşrutunda heç bir gəmi belə bir ad daşımır”.

Xilasedicilər digər limanlarla da əlaqə saxlayıb. Onlar hətta Senqata hərbi-dəniz limanı ilə də əlaqə saxlamalı olub. Lakin “Taruna Makmur” bərəsi haqda heç bir rəsmi informasiya daxil olmayıb.

Qeyd edək ki, son günlər Pare-Pare-Tancunq marşrutunda pis hava müşayiət olunur. Mütəxəssislərin fikrincə, əgər belə bir bərə mövcud olubsa, onun suda batma ehtimalı var.

Nura