Dünya
İzi itirmək üçün meyitin əllərini kəsdi - FOTO, VİDEO
Türkiyədə böyük səs-səda doğuran Özgəcan Aslan
cinayətində qatillərin etirafları eşidənləri dəhşətə
gətirib.
ANS PRESS-in məlumatına görə, 20 yaşlı qıza təcavüz etmək istəyən
sürücü qızın cəsədini yandırmazdan əvvəl onun əllərini kəsib. Bunun
səbəbini soruşanda isə bildirib ki, o, Özgəcana təcavüz etmək
istəyəndə qız dırnaqları ilə onun üzünü cızıb. O da qızın əlində
DNK izi qalmasın deyə, əllərini kəsib. Bundan başqa, məlum olub ki,
evli və bir uşağı olan qatil qızı öldürəndən sonra köməyə öz
atasını və dostunu çağırıb. 50 yaşlı atası və 20 yaşlı dostunun da
köməyilə qızın cəsədini yandırıblar. Qatillər tutulan vaxt Özgəcan
Aslanın dırnaq izləri hələ də sürücünün üzündə qalmışdı.
Hadisə bütün ölkədə böyük səs-küyə səbəb oldu. Etiraz etmək üçün
minlərlə qadın küçəyə çıxıb. Dəfn edilərkən də tabutu qadınlar
çiyinlərində daşıyıblar. Qızın dəfnində 5 mindən çox adam iştirak
edib. Ölkənin bir çox tanınmış siyasətiçiləri, müğənni və
aktyorları hadisəyə etiraz ediblər.
Mersində isə qatillərin məhkəmədə müdafiəsi üçün vəkil tapılmır.
Belə ki, Mersin vəkillər kollegiyasının rəhbəri Alpay Antmen
bildirib ki, Mersində heç bir vəkil qatilləri müdafiə etmək
istəmir. Hüquq müdafiəçiləri də onların ən ağır şəkildə
cəzalandırılmasını tələb edir. "Qatillər ən ağır cəzanı alacaqlar.
İnsanlıqdan çıxmış insan surətindəki bu canavarları lənətləyirəm",
- deyə Türkiyənin Ədliyyə naziri Bəkir Bozdağ bildirib.
Bundan başqa, Türkiyənin İqtisadiyyat naziri Nihat Zeybəkçi tvitter
mikrobloqunda hisslərini bu cür ifadə edib: “Özgəcan Aslan balamıza
Allahdan rəhmət və ailəsinə səbr diləyirəm. O qızın qətli kimi
cinayətlərə edam cəzası verilməlidir. Bu müzakirə olunmalı və
tətbiq edilməlidir”.
Xatırladaq ki, bir neçə gün əvvəl 20 yaşlı Özgəcan Aslan evə getmək
üçün avtobusa minib. Qızın sonuncu müştəri olduğunu görən sürücü
yolunu dəyişib və avtobusu səssiz bir yerə sürüb. O, burada qıza
təcavüz etmək istəyib. Lakin bu zaman qız bibər qazını sürücünün
gözünə sıxıb. Qəzəblənən sürücü qızı bıçaqlayıb. Daha sonra
başından dəmirlə vuraraq öldürüb. Bundan sonra qızın əllərini kəsib
və atası ilə dostunu çağıraraq tələbənin cəsədini yandırıb.
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO