• USD 1,7339 0,00% EUR 1,8297 0,00%
    • GBP 2,2001 0,00% RUB 0,0270 0,00%

Yüzilliyin cinayəti: hakerlər banklardan 1 milyard dollar oğurladılar - ŞOK

  • Dünya
  • 16 Fevral 2015 10:46
  • 512 Baxış
Yüzilliyin cinayəti: hakerlər banklardan 1 milyard dollar oğurladılar - ŞOK

Kibercinayətkarlar bütün dünyada banklardan 1 milyard dollara qədər pul oğurlayıb.

Publika.az xarici mediaya istinadən xəbər verir ki, bu barədə “Kasperski laboratoriyası” şirkətinin “Avropol” və “İnterpol” ilə apardığı birgə təhqiqatın yekunları üzrə məlumatında deyilir.

Haker hücumunun iki il ərzində davam etdiyi müəyyənləşdirilib. “Carbanak” haker qrupu dünyanın, demək olar ki, 30 ölkəsində təxminən 100 bank, ödəmə sistemi və digər maliyyə təşkilatlarına hücumu edib. Bu ölkələr arasında Rusiya, ABŞ, Almaniya, Çin, Ukrayna, Kanada, Honkonq, Tayvan, Rumıniya, Fransa, İspaniya, Norveç, Hindistan, Böyük Britaniya, Polşa, Pakistan, Nepal, Mərakeş, İslandiya, İrlandiya, Çexiya, İsveçrə, Braziliya, Bolqarıstan, Avstraliya kimi ölkələr var.

Ekspertlər müəyyən ediblər ki, daha çox məbləğ bank şəbəkəsinə müdaxilə prosesi zamanı oğurlanıb. Belə ki, hər müdaxilədə kibercinayətkarlar 10 milyon dollaradək pul oğurlaya biliblər. Hakerlər bir bank oğurluğu üçün korporativ şəbəkədə ilk kompüterin virusa yoluxdurulmasından pulların oğurlanmasınadək orta hesabla 2-4 ay vaxt sərf ediblər. Pulun çıxarılması onlayn ödəmə sistemləri vasitəsilə edilib.

Saxta hesablar Çin və ABŞ-ın banklarında açılıb. Ancaq ekspertlər kibercinayətkarların başqa ölkələrin banklarında da oğurlanmış pulu saxlaya biləcəyini istisna etmirlər.

Ömər Dağlı

Xəbər lenti

DAHA ÇOX XƏBƏR