• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Lukaşenkodan “silahları verin, sağ qalın” təminatı

  • Dünya
  • 18 Fevral 2015 16:09
  • 825 Baxış
Lukaşenkodan “silahları verin, sağ qalın” təminatı

Belarus prezidenti Aleksandr Lukaşenko Ukraynanın Debaltsevo rayonunda münaqişənin həllinə kömək etmək üçün gözlənilməz təklif verib.

Publika.az BELTA agentliyinə istinadən xəbər verir ki, dövlət başçısı Ukrayna, Rusiya, “DXR” və “LXR”in istəyəcəyi halda bir gün ərzində Debaltsevoda problemi həll etməyə hazır olduğunu deyib.

Prezident vurğulayıb ki, onun kömək etməsi üçün bütün tərəflərin razılığı əhəmiyyətlidir: “Əgər onlar üçün heç bir günahı olmayan minlərlə mühasirəyə alınmış insanın həyatı prioritetdirsə, biz kömək etməyə hazırıq”.

Amma eyni zamanda Lukaşenko zəmanət istəyib ki, mühasirədən çıxarılan Ukraynanın hərbi qulluqçuları daha heç vaxt vuruşmayacaqlar. O, mühasirədə qalan Ukrayna hərbçilərinin əlindəki silahları da Belarus ərazisində qəbul etməyə hazır olduğunu deyib.

Qeyd edək ki, Belarus prezidenti zaman-zaman Ukrayna böhranının həlli ilə bağlı təkliflərlə çıxış edib. Keçən ilin oktyabrında Aleksandr Lukaşenko Donbas hövzəsinə Belarus sülhməramlılarının yerləşdirilməsini təklif edib. Lakin bu təklif dəstək qazanmayıb.

Ömər Dağlı

Xəbər lenti

DAHA ÇOX XƏBƏR