• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

"Boko Haram" şəhərdən qovuldu

  • Dünya
  • 22 Fevral 2015 09:13
  • 319 Baxış
"Boko Haram" şəhərdən qovuldu

Nigeriya hərbi qüvvələri strateji şəhərin nəzarətini Boko Haram qrupundan geri aldığını bildirib.

Publika.az-ın məlumatına görə, hərbi qüvvələrin Tvitter səhifəsində açıqlanan mesajda yaraqlıların bu ilin əvvəli iki min adamın ölümülə nəticələnmiş qətliam törətdiyi Baqa şəhərinin nəzarətini ələ keçirdiyi bildirilib. Nigeriya, Çad, Niger və Kamerunun sərhəddində əsas təchizat yolu üzərində yerləşən şəhərə yanvar ayından yaraqlılar nəzarət edirdi. Şəhər sakinlərinin çoxu ərazini tərk etməli olub.

Nigeriya hərbi qüvvələri şənbə günü baş vermiş döyüş zamanı tələfatlar verildiyini və ərazinin təmizləndiyini bildirib. Hərbi qüvvələr döyüşlə bağlı təfərrüatların bir qədər sonra açıqlanacağını bəyan edib. Bəyanatda həmçinin şəhərə nəzarətin geri alınması əməliyyatının Nigeriya hərbi hava qüvvələrinin müşayiətilə keçirildiyi bildirilib.

Baqa şəhəri Boko Haram qrupuna qarşı mübarizə aparan birgə qüvvələrin Doron Baqa hərbi bazasına yaxın yerləşir. Keçən ay Niger, Çad və Kamerunun yaraqlılarla mübarizə aparmaq üçün Nigeriyaya hərbi qüvvə göndərdikdən sonra ərazidə döyüşlərin artdığı müşahidə edilir.

Xəbər lenti

DAHA ÇOX XƏBƏR