Poroşenkonu “klon” adlandırdılar
Bizi izləyin

Dünya

Poroşenkonu “klon” adlandırdılar

Krımı Ukraynaya qaytaracağına söz verən Ukrayna prezidenti Pyotr Poroşenkoya Moskvadan cavab verilib.

Publika.az “İnterfaks” agentliyinə istinadən xəbər verir ki, Rusiyanın İstintaq Komitəsinin rəsmi nümayəndəsi Vladimir Markin “Twitter” səhifəsində Ukrayna prezidentini “klon” adlandırıb.

Vladimir Markin Pyotr Poroşenkonun bəyanatını “yanan sirkdən qaçanlara acıqlı müraciət” hesab edib.

Xatırladaq ki, Poroşenko Ukrayna xalqına etdiyi müraciətində müvəqqəti işğal edilmiş ərazilər üzərində nəzarətin qaytarılacağını bildirib. “Bu gün bunun sürətli olacağını deyə bilmərəm. Amma bu mütləq olacaq”, - Poroşenko deyib.

“Ukrayna heç vaxt Krım üzərindəki suveren hüquqlarından imtina etməyəcək. Bu məsələdə Ukrayna hakimiyyəti, siyasətçiləri və vətəndaş cəmiyyətinin arasında tam razılıq mövcuddur. Biz dünya və bütün beynəlxalq təşkilatların mütləq dəstəyinə malikik”, - Ukrayna prezidenti vurğulayıb.

Ömər Dağlı

Oxumağa davam et
Reklam
Reklam

Gündəm