Dünya
Liviya hökuməti Türkiyə ilə əlaqələri kəsdi
Liviya hökuməti Türkiyə ilə bütün münasibətlərini dayandırıb.
Publika.az-ın məlumatına görə, bu barədə Liviyanın beynəlxalq birlik tərəfindən tanınmış baş naziri Abdullah al-Thinni deyib. Baş nazir Türkiyəni hökumətə rəqib qruplaşmaya silahlar göndərməklə liviyalıların bir-birlərini qırması üçün şərait yaratmaqda ittiham edir.
Hazırda Liviyada iki hökumət mövcuddur. Onlardan biri ölkənin şərqini idarə edən Thinni hökuməti, digəri isə paytaxt Tripolidə hakimiyyəti ələ almış Liviyanın Sübhü qruplaşmasıdır.
Baş nazir Thinni iddia edir ki, Ankara hazırda Tripoli hökumətinə hərbi dəstək göstərir.
Türkiyənin Xarici İşlər Nazirliyi bu iddiaları rədd edib. Nazirliyin sözçüsü Tanju Bilgic Thinniyə boş və əsassız iddialar etməkdənsə, BMT-nin hazırda davam edən danışıqlar prosesini dəstəkləməyi məsləhət görüb.
Bununla belə Reuters agentliyi xəbər verir ki, Türkiyə Tripoli hökumət rəsmilərini tanıyan və qəbul edən azsaylı ölkələrdən biridir.
Cənab Bilgic bildirib ki, onlar eyni dəvətləri Thinni hökumətinə göndərsələr də etiraz cavabı alıblar.
Baş nazir Thinni bəyan edib ki, Liviyanın onun nəzarətində olan hissəsində Ankaraya heç bir kontrakt verilməyəcək.
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO