Dünya

Nemtsovu qətlə yetirənin başına pul qoyuldu

1 Mart 2015 20:11

Rusiyanın İstintaq Komitəsi müxalifətçi Boris Nemtsovun qətli haqqında iş üzrə qiymətli informasiya üçün mükafat təyin edib.

Publika.az Rusiya mediasına istinadən xəbər verir ki, mükafatın məbləği 3 milyon rubldur.

İstintaq Komitəsi qətlin araşdırılmasına kömək edəcək məlumatları verən bütün şəxslərin anonimliyinin saxlanılmasına söz verib. Komitə daha əvvəl cinayətin şahidlərinə müraciət edərək idarə ilə əlaqənin yaradılmasını xahiş edib.

KİV-in məlumatına görə, artıq hüquq-mühafizə orqanlarının əməkdaşları şahidin məlumatı əsasında Boris Nemtsovun qatilinin foto təsvirini müəyyən edə bilib. Cinayətin törədilməsində şübhəli hesab olunan şəxs 170-175 santimetrlik boya, adi bədən quruluşu və tünd qara saçlara malikdir.

Ömər Dağlı