• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Tiflisdən İrəvana bəd xəbər: “Məsələ gündəlikdə deyil”

  • Dünya
  • 3 Mart 2015 12:22
  • 685 Baxış
Tiflisdən İrəvana bəd xəbər: “Məsələ gündəlikdə deyil”

“Tiflis Abxaziyadan keçən dəmir yolunu bərpa etmək niyyətində deyil”.

Publika.az Gürcüstan mediasına istinadən xəbər verir ki, bu barədə ölkənin Xarici İşlər Nazirliyinin sözçüsü David Kereselidze bildirib.

“Hazırda bu məsələ Gürcüstan tərəfindən müzakirə edilmir. Siz əla anlayırsınız ki, dəmir yolu məsələsini canlandırmaq hansı tərəf üçün daha maraqlıdır. Bu məsələ ətrafında müzakirələr hər hansı səviyyədə planlaşdırılmır”, - David Kereselidze deyib.

Xatırladaq ki, Gürcüstanın sabiq prezidenti Mixail Saakaşvilinin lideri olduğu “Vahid Milli Hərəkat” Partiyası fraksiyasının azərbaycanlı deputatı Azər Süleymanov Publika.az-a açıqlamasında İrəvan və Tiflis arasında Abxaziya dəmir yolu ilə bağlı danışıqların aparıldığını bildirib.

“Gizli şəkildə aparılan danışıqlarda dəmir yolunun açılması məsələsi razılaşdırılıb. Danışıqların detalları tam məlum deyil. Amma Gürcüstan mediası da bu haqda xəbər verib”, - azərbaycanlı deputat qeyd edib.

Ömər Dağlı

Xəbər lenti

DAHA ÇOX XƏBƏR