Dünya

Fransa yenidən təhlükədə

4 Mart 2015 03:29

Fransada bir çox məscidə son bir həftə ərzində müsəlmanların təhqir edildiyi 30-a yaxın məktub göndərilib.

Publika.az xarici mediaya istinadən xəbər verir ki, bu barədə Fransa İslam Əleyhdarlığı ilə Mübarizə Təşkilatının başçısı Abdallah Zekri bildirib.

Zekri gələn məktublarla bağlı hüquq-mühafizə orqanlarına müraciət etdiyini söyləyib. O, məktublarda islam dini və Məhəmməd peyğəmbərin ünvanına təhqirlərin yer aldığını deyib.

Fransa polisinin məlumatına görə, ölkəni sarsıdan son terror hücumlarından sonra - 7-20 yanvar tarixlərində müsəlmanlara qarşı 128 hücum həyata keçirilib. Fransada “Odoxa” araşdırma şirkəti tərəfindən aparılan sorğunun nəticələrinə görə, fransızların 71 faizi ölkədə müsəlman əleyhdarlığının artdığını düşünür.

Ömər Dağlı