Yerli sakinlər Tikriti tərk edir

İraq ordusunun islamçıların əlində olan Tikrit şəhərinə hücumu 28 min nəfərdən çox əhalinin şəhərdən kütləvi qaçmasına səbəb olub.

Publika.az xəbər verir ki, BMT qaçqınların Samarra şəhərinə üz tutduğunu, lakin İraq ordusunun blok-postlarında saxlanıldığını bildiib.

Qeyd edək ki, artıq dördüncü gündür ki, “İslam dövləti” qruplaşmasının cihadçıları tərəfindən ələ keçirilən Tikritin azad edilməsi əməliyyatı davam edir. Əməliyyatda 30 minə yaxın İraq hərbçiləri və şiə könüllüləri iştirak edir.

Onlar cihadçıları mühasirəyə almağa çalışırlar, lakin hələ ötən il iyul ayından qoyulmuş mina və fuqasların partlaması onların irəliləməsini ləngidir.

Hücuma İraq aviasiyası, o cümlədən döyüş vertolyotları kömək edir. Anti-isalam koalisiyasının təyyarələri əməliyyatda iştirak etmir.

Cümə axşamı cihadçılar şəhərin yaxınlığında neft quyularına od vurub, nəticədə əmələ gələn qatı tüstü aviasiya zərbələrinin hədəflərini gizlədir.

İraq generalı Abdul Vahhab Saadi bəyan edib ki, yanan neftin tüstüsü qoşunun şəhərə girməsinə mane ola bilməyəcək.