• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Tunis parlamentinə İŞİD üzvləri hücum etdi, 8 ölü

  • Dünya
  • 18 Mart 2015 17:24
  • 468 Baxış
Tunis parlamentinə İŞİD üzvləri hücum etdi, 8 ölü

Tunis parlamentinin yaxınlığında yerləşən Bardo muzeyinə təşkil edilən hücumda ən azı 8 turist həyatını itirib.

Publika.az xarici mediaya istinadən xəbər verir ki, Tunisdə əsgər paltarları geyinərək parlamentə daxil olan üç silahlı ətrafa atəş açıb.

Silahlılar bundan sonra Bardo muzeyinə daxil olaraq 8 turisti öldürüb və digərlərini girov götürüb. Hazırda girovların sayı dəqiqləşdirilir. Bəzi məlumatlara görə, hücum zamanı muzeydə təxminən 200 turist olub. Amma onların əksəriyyəti təxliyyə edilib.

Muzey hazırda polis tərəfindən mühasirəyə alınıb.

Ötən ay Tunis xüsusi xidmət orqanları terror aktlarını planlaşdırmaqda ittiham olunan 32 nəfəri həbs edib. Saxlanılanların bir çoxunun Suriyada İŞİD terror təşkilatının sıralarında vuruşduğu deyilir. Muzeyə hücum edənlərin də keçmiş İŞİD-çilər olduğu ehtimal olunur.

Ömər Dağlı

Xəbər lenti

DAHA ÇOX XƏBƏR