• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

ABŞ İsraili causluqda ittiham etdi

  • Dünya
  • 25 Mart 2015 09:50
  • 391 Baxış
ABŞ İsraili causluqda ittiham etdi

İsrail ABŞ və müttəfiqlərinin İranla nüvə razılığı barədə bağlı qapılar arxasında apardığı məxfi müzakirələrin təfərrüatlarının ələ keçirilməsi üçün casusluğa əl atıb.

Publika.az xəbər verir ki, bu barədə məlumat “Wall Street Journal”da dərc edilib. Qəzet yazır ki, Ağ Ev rəsmiləri ötən il İsrailin məxfi məlumatların ələ keçirilməsi üçün dinləmə qurğularından istifadə etdiyini bildirib.

Diplomatlar və ekspertlərin dediyinə görə, razılıq İranın nüvə proqramının dinc mahiyyət daşıdığının təminat altına alınması üçün əldə edilməlidir. Tərəflər xaricdən heç bir təsirə yol verilməməsi üçün müzakirələrin məxfi saxlanması barədə razılıq əldə edib.

Lakin buna baxmayaraq İsrail rəsmiləri dəfələrlə razılığın İranı nüvə silahı istehsal etmək cəhdindən yayındırmayacağını bildirib.

ABŞ prezidenti Barak Obama və dövlət katibi Con Kerri də daxil edilməklə, Amerika rəsmiləri müzakirələrin nəticəsinin qərəsiz olması üçün danışıqların məxfi saxlanmasının vacibliyini önə çəkir.

İsrail-ABŞ münasibətləri ötən ay İsralin baş naziri Benyamin Netanyahunun Nümayəndələr Palatasının spikeri Con Beynerin dəvəti ilə Konqres qarşısında çıxış etməsi ilə gərginləşib. Belə ki, dəvət Ağ Evin protokoluna zidd olub.

Xəbər lenti

DAHA ÇOX XƏBƏR