• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

“Demokratiya beşiyi”ndə İslama qarşı yürüş

  • Dünya
  • 31 Mart 2015 13:57
  • 303 Baxış
“Demokratiya beşiyi”ndə İslama qarşı yürüş

Almaniyada yaranmış anti-islam hərəkatı olan PEGİDA-nın (Qərbin İslamlaşmasına Qarşı Vətənpərvər Avropalılar) tərəfdarları Danimarka və Almaniyada yürüş təşkil ediblər.

Publika.az Türkiyənin “Anadolu” agentliyinə istinadən xəbər verir ki, Danimarkanın paytaxtı Kopenhagen və Almaniyanın Frankfurt şəhərlərində keçirilən yürüşlərə yüzlərlə insan qatılıb.

Kopenhagendə islam əleyhinə yürüş təşkil edən qrup musiqi və rəqsin müşayiəti ilə “Küçələrimizdə irqçilər istəmirik” şüarları səsləndirib. Qarşı tərəfdən olan və müxtəlif şüarlar səsləndirərək PEGIDA tərəfdarlarına yaxınlaşmaq istəyən təxminən 20 nəfərlik qrup polis tərəfindən ərazidən uzaqlaşdırılıb.

Almaniyanın Frankfurt şəhərində ikinci nümayişini təşkil edən PEGIDA tərəfdarlarından ibarət 40 nəfərlik qrup Römer Meydanında toplanaraq islam və miqrantlar əleyhinə şüarlar səsləndirib. Qrupun sözçüsü çıxış edərək Almaniyada islamın yayıldığını və bunun narahatlıq yaratdığını söyləyıb.

Qeyd edək ki, PEGİDA ötən il Şərqi Almaniyada, Drezden şəhərində yaradılıb. O vaxtdan bəri Çexiya, Danimarka, Norveç, İspaniya, İsveç, İsveçrə və bir sıra digər Avropa ölkələrində təşkilatın təəssübkeş qrupları yaradılıb.

Ömər Dağlı

Xəbər lenti

DAHA ÇOX XƏBƏR