Dünya

70 ilin sirri AÇILDI - FOTOLAR

7 Aprel 2015 12:27

Rusiya Müdafiə Nazirliyi 1941-1945-ci illər İkinci Dünya müharibəsinin ayrı-ayrı məqamlarını əks etdirən və bu günə qədər məxfi saxlanılan bir sıra fotoları, sənədləri ictimaiyyətə açıqlayıb.

Publika.az xarici mətbuata istinadən xəbər verir ki, Almaniyanın SSRİ-yə qarşı hərbi əməliyyatlarının başlandığı 1941-ci ilin 22 iyunundan etibarən çəkilmiş fotolar və hərbi materiallar bu günə kimi Rusiyanın arxivlərində və fondlarında saxlanılıb. Həmin foto və sənədlərlə tanış olmaq haqda razılıq yalnız bəzi şəxslərə verilib. Qəribəsi odur ki, Müdafiə Nazirliyinin Böyük Vətən müharibəsində faşizm üzərində qələbənin 70 illiyi münasibətilə açıqladığı, indiyə qədər məxfi saxlanılmış gizli fotolarda və sənədlərdə qeyri-adi, habelə dövlət təhlükəsizliyi üzün zərərli heç bir şey yoxdur. Yalnız onu demək olar ki, fotolardan bəziləri müharibə dövründə fəaliyyət göstərmiş xüsusi hərbi hissələrə aiddir. Onların hərbi əməliyyatlarından isə onilliklər ötüb. Nazirlik bu addımına aydınlıq gətirməyib.

Anar Tağıyev