Dünya

Ramadi 5 günə, Mosul 3 həftəyə...

9 Aprel 2015 09:35

İraq ordusuna bağlı Qızıl Qüvvələr Gücünun komandiri Fazil Bervari Mosul və Anbarın İŞİD terror təşkilatından azad olunacağı vaxtı açıqlayıb.

Publika.az xarici mediaya istinadən xəbər verir ki, o, ordu qüvvələrinin Tikritdən sonra Mosul və Anbarın bir ay ərzində azad olunacağını söyləyib.

Fazil Berwari İŞİD əmirlərinin Mosuldan qaçış planları hazırladığını və təşkilatın Tikritdə olduğu kimi bu şəhərdə də döyüşməyəcəyini deyib. Onun sözlərinə görə, İŞİD əlindəki İraq-Suriya xətti kəsilsə, 5 günə Ramadi şəhəri, İŞİD-in qalası sayılan Mosul isə 3 həftəyə azad ediləcək.

İŞİD-in sözçüsü Saad Əbu Əl-Ənsari təşkilatın Tikritdən taktiki olaraq geri çəkildiyini və Mosulda böyük bir döyüşə hazırlaşdığını bildirmişdi.

Ömər Dağlı