Dünya

Papa 1915-ci il hadisələrini “soyqırım” adlandırdı

12 Aprel 2015 20:16

Katoliklərin ruhani lideri Papa Fransisk 1915-ci il hadisələri ilə bağlı Vatikanda ayın təşkil edib.

Publika.az xarici mediaya istinadən xəbər verir ki, Papa Fransisk ayində XX əsrin ilk “soyqırımı”nın ermənilərə qarşı həyata keçirildiyini söyləyib.

Tədbirə Ermənistan prezidenti Serj Sarkisyan, dünya ermənilərinin ruhani lideri və erməni apostolik kilsəsinin katolikosu II Karegin və Kilikiya katolikosu I Aram qatılıb.

Qeyd edək ki, 1915-ci il hadisələrinə “soyqırım” deyən ilk papa Fransisk deyil. 2001-ci ildə II İohan Pavel və II Karegin tərəfindən imzalanan bəyannamədə “İyirminci əsrin ilk soyqırımı” ifadəsi işlədilib. Papa Fransisk bugünkü çıxışında həmin bəyannaməyə istinad edib.

Fransiskdən əvvəl Papalıq kreslosunda oturan və ilk dövrlərdə istər Türkiyə, istərsə də islam dünyası ilə əlaqələri çox da yaxşı olmayan Papa Benedikt “soyqırım” ifadəsini işlətməmişdi.

Ömər Dağlı