Dünya
Avropa Birliyi “Google”ni 6 milyard dollar ziyana sala bilər
Avropa Birliyinin anti-inhisar qurumu Amerikanın “Google Inc” internet korporasiyasına qarşı rəsmi ittiham irəli sürməyə hazırlaşır.
Publika.az xəbər verir ki, bu barədə məlumatlı mənbəyə istinadən “The Wall Street Journal” nəşri bildirib.
İnternet korporasiyası anti-inhisar qanunvericiliyini pozmaqda ittiham olunur. Mənbənin sözlərinə görə, iddianın irəli sürülməsi haqqında qərar dünən qəbul edilib. Qərar Avropa Birliyinin rəqabət məsələləri üzrə komissarı Marqreta Vestaqer və Avropa Komissiyasının prezidenti Jan Klod Yunker ilə uyğunlaşdırılıb.
Avropa Birliyinin anti-inhisar qurumunun beşillik araşdırmaları göstərib ki, “Google Inc” sistemi rəqiblərini sıxışdıraraq şəxsi xidmətlərini istifadəçilərinə tez-tez yönləndirib. “Google Inc” bu siyasətin nəticəsi olaraq 6 milyard dollardan yuxarı cərimə oluna bilər.
Qeyd edək ki, Rusiyada da yaxın vaxtlarda “Google” axtarış sisteminə qarşı anti-inhisar qanunvericiliyinin pozulması ilə əlaqədar iddia irəli sürülüb.
Qeyd edək ki, “Google Inc” internet korporasiyası dünyada populyarlığına görə birinci olan “Google” axtarış sisteminin sahibidir. “ComScore” analitik şirkətinin statistikasına görə, 2013-cü ilin yekunlarına əsasən “Google” dünya axtarış bazarının 62,8 faizinə nəzarət edir. İnternet axtarış sistemindən başqa korporasiya dünyada ən məşhur “YouTube” video-hostinqinə, “Gmail” poçt servisinə və “Google+” sosial şəbəkəsinə də sahibdir.
Həmçinin mobil qurğular üçün nəzərdə tutulmuş ОС Android sisteminin də yaradıcısı olan “Google” kompaniyasının aksiyaları NASDAQ fond birjasında təmsil olunur. Onun kapitallaşması 346,4 milyard dollar həcmində qiymətləndirilir.
Ömər Dağlı
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ