Dünya

Yanukoviçin boş qalan iqamətgahı - Videogörüntülər

22 Fevral 2014 21:58

Yanukoviçin 2012-ci ildən etibarən iqamətgahı hesab edilən "Mejiqore" artıq müxalifətçilərin əlindədir.

“Qafqazinfo” Ukrayna mətbuatına istinadən xəbər verir ki, prezidentin Xarkovdan istefa xəbəri gəlməmişdən əvvəl jurnalistlər də iqamətgahda olublar. Media nümayəndələrini mühafizəçilər yaxşı qarşılayıblar.

Onlar jurnalistləri "Mejiqore"nin daxili və ərazisi ilə ətraflı tanış ediblər. Müxaliflər iqamətgahı ələ keçirsələr də, ona heç bir zərər vurmayıblar. Ümumiyyətlə isə "Mejiqore"nin gələcəkdə uşaq evi kimi fəaliyyətə verilməsi planlaşdırılır.

Qeyd edək ki, Viktor Yanukoviç bu gün günorta saatlarında istefaya getdiyini açıqlayıb. Onun bu barədə Xarkovda qərar verdiyi bildirilir.