Dünya
Türk kəşfiyyatı PKK-nın planını deşifrə etdi
Türkiyənin kəşfiyyat qurumlarının hazırladığı PKK hesabatı Baş nazirlik və Daxili İşlər Nazirliyinə təqdim edilib.
Publika.az Türkiyə mediasına istinadən xəbər verir ki, Öcalanın tələbinə baxmayaraq, konqres qərarı verməyən PKK terror təşkilatının planı həmin hesabatla deşifrə olub.
Təşkilat “kürd məsələsi”nin həlli prosesinin başlandığı 2012-ci ildən etibarən 38 nəfəri öldürüb. PKK qurbanlarına “dövlət tərəfdarı”, “xain” və “agent” kimi adlar qoyaraq özünə haqq qazandırmağa çalışıb. Təşkilat İmralı adasında həbsdə olan lideri Abdullah Öcalanın bu ilin əvvəlində “silahı yerə qoyun” çağırışına baxmayaraq, 7 iyunda keçiriləcək parlament seçkiləri öncəsi seçiciləri təzyiq altında saxlamağı qarşısına məqsəd qoyub.
Bundan başqa, polis və hərbi məntəqələrə hücumlar artıb. Kəşfiyyat qurumları tərəfindən hazırlanan hesabatda qeyd olunub ki, təşkilatın əsas məqsədi Xalqların Demokratik Partiyasının (HDP) “seçki baryeri” problemini həll etməkdir. Xüsusilə son bir ayda edilən hücumların da bu məqsədə xidmət etdiyi bildirilir. Son ayda ölkədə keçirilən rəy sorğuları HDP-nin seçki baryerini keçə bilməyəcəyini göstərir.
Hesabata görə, PKK digər partiyaların deputatlığa namizədlərinə təhdid məktubları göndərir. Bu məktublarda bildirilir ki, HDP 10 faizlik seçki baryerini keçə bilməsə, buna görə məhz həmin namizədlər məsuliyyət daşıyacaq.
Ömər Dağlı
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA