• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Əhməd Davudoğludan keçmiş sovet respublikalarına- Xəbərdarlıq

  • Dünya
  • 3 Mart 2014 11:33
  • 2 165 Baxış
Əhməd Davudoğludan  keçmiş sovet respublikalarına- Xəbərdarlıq

İki gün əvvəl Ukrayna səfərindən qayıdan Türkiyə xarici işlər naziri Əhməd Davudoğlu bu ölkədəki vəziyyət və Ukrayna rəsmiləri ilə keçirdiyi görüşlərdən “Habertürk”ə danışıb.Publika.Az –ın verdiyi xəbərə görə, Ə.Davudoğlu Ukraynanın Türkiyə ilə bir sıra oxşar cəhətlərinin olduğunu və Ukraynanın yeni hakimiyyətinə bəzi tövsiyələrini çatdırdığını bildirib.

“Türkiyə NATO üzvüdür, amma Rusiya ilə də yaxşı əlaqələri var. Türkiyə Avropa İttifaqı üzvlüyü üçün danışıqları davam etdirir, eyni zamanda bölgə ölkələri ilə təmaslarının genişləndirilməsinin tərəfdarıdır. Ukrayanada keçirdiyim görüşlərdə bildirdim ki, Avropa ilə yaxınlaşarkən Şərqlə də əlaqə qurmalısınız, insanlara “onlar Rusiya tərəfdarıdır deməməlisiniz, onları qazanmalısınız” dedim. Çünki Yanukoviçin tərəfdarlarına yeni hökumətdə çox yer verilməyib. Hökumət daha birləşdirici ola bilərdi”, - Türkiyə xarici işlər naziri söyləyib.

Ə.Davudoğlunun sözlərinə görə, Ukrayna baş nazirinin köməkçisi “Bizə dəqiq, açıq və iti sözlər söylədiniz, əsl dost belə olar. Çünki bəziləri gəlib yalnız Rusiyanı pisləyir. Rusiya bu coğrafiyanın parçasıdır, bu gerçəyi qəbul etmədən həllə çatmağın mümkün olmadığı fkirindəyik” söyləyib.

Türkiyə xarici işlər naziri Krımın Ukraynadan ayrılacağı halda, bunun digər keçmiş sovet respublikalarındakı Abxaziya və Cənubi Osetiya, Qaqauziya, Dnestrayanı kimi problemləri üzərində də mənfi effekt yaradacağını dilə gətirib.

Ömər Dağlı

Xəbər lenti

DAHA ÇOX XƏBƏR