• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Cəmil Çiçək: “Ermənilərin əllərinə silah verənlər bugünkü terrorçuları dəstəkləyənlərdir”

  • Dünya
  • 23 Aprel 2015 14:07
  • 321 Baxış
Cəmil Çiçək: “Ermənilərin əllərinə silah verənlər bugünkü terrorçuları dəstəkləyənlərdir”

Türkiyə Böyük Millət Məclisinin (TBMM) başçısı Cəmil Çiçək Türkiyə Cümhuriyyətinin qurucusu Mustafa Kamal Atatürkün mavzoleyi – Anıtqəbirdə keçirilən tədbirdə 1915-ci il hadisələri ilə əlaqədar mesajlar verib.

Publika.az Türkiyə mediasına istinadən xəbər verir ki, 23 aprel Milli Suverenlik və Uşaq Bayramı ilə bağlı keçirilən tədbirdə çıxış edən TBMM başçısı 1915-ci ildə erməni şəbəkəçilərinin əlinə silah verənlərlə bu gün terrorçulara dəstək verənlərin eyni olduğunu bildirib.

“Son günlərdə bəzi şəxslər və parlamentlərin qarayaxma kampaniyasının şahid oluruq. Təktərəfli və tarixi gerçəklərdən uzaq bu qərarlarla bir tələ qurulur. 1915-ci ildə erməni cinayətkar şəbəkələrinin əlinə silah verənlər, onları qan axıtmağa təhrik edənlər ilə hazırda minlərlə vətəndaşımızın qanını axıdan terrorçulara dəstək verənlər eyni ünvanlardır”, - Cəmil Çiçək deyib.

Türkiyənin 40 ildir davam edən qanlı terror aktları ilə çox şey itirdiyini deyən TBMM başçısı “soyqırım” yalanı ilə yeni bir hücumun başlandığını vurğulayıb: “Bu qərarları qəbul edənlərin əlləri çirkli və qanlıdır. Bu qanı və çirki bizim üzərimizdə təmizləməyə çalışırlar”.

Ömər Dağlı

Xəbər lenti

DAHA ÇOX XƏBƏR