Azərbaycanlı yazıçıya 5 il həbs
Bizi izləyin

Dünya

Azərbaycanlı yazıçıya 5 il həbs

Moldovada Azərbaycan əsilli jurnalist və yazıçı Eduard Bağırova beş il həbs cəzası verilib.

Qərar Kişinyov məhkəməsi tərəfindən verilib. Qərarın icrası yazıçının tutulmasından sonra başlanacaq.

Yazıçı-jurnalist "Moldovada ictimai-siyasi vəziyyətin destabilizasiyasına cəhd", "5 aprel 2009-cu il tarixində keçirilmiş parlament seçkilərinin nəticəsinə təsir etmək məqsədi ilə təxribatçı hərəkətlər" iddialarında ittiham olunur.

Prokurorluq iddia edir ki, yazıçı 2009-cu ilin aprelində Moldovada ixtişaşlarda fəal iştirak edib. Nəticədə, narazı müxalifətçilər parlament seçkilərinin nəticələrinə reaksiya olaraq Prezident Administrasiyasının və Parlamentin binasını dağıdıb.

Qeyd edək ki, E.Bağırov 2011-ci ilin iyununda Kişinyovda saxlanılıb və dörd ay ərzində istintaq təcridxanasında saxlanılıb. Daha sonra barəsində verilən tədbir ev həbsi ilə dəyişdirilib. Yazıçı oktyabrın 19-da Dnestryanı vasitəsilə Rusiyaya qaçıb. Onun barəsəində Kişinyov tərəfindən beynəlxalq axtarış elan edilib. (ans)

Oxumağa davam et
Reklam
Reklam

Gündəm