• USD 1,8311 0,00% EUR 1,9659 +0,90%
    • GBP 2,2728 +1,08% RUB 0,0307 -0,33%

"Ağsaqqallar" Putinlə görüşə gəlib

  • Dünya
  • 29 Aprel 2015 05:53
  • 439 Baxış
"Ağsaqqallar" Putinlə görüşə gəlib

Rusiyanın xarici işlər naziri Sergei Lavrov Moskvada keçmiş ABŞ prezidenti Cimmi Karter və digər tanınmış dünya liderləri ilə görüşüb.

Publika.az-ın məlumatına görə, Lavrovla görüşdə Finlandiyanın keçmiş prezidenti Martti Ahtisaari, keçmiş Meksika prezidenti Ernesto Zedillo, Norveçin keçmiş baş naziri Gro Harlem Brundtland və 2012-2014-cü illərdə BMT-nin Suriya üzrə elçisi olmuş Lakhdar Brahimi də iştirak edib.

Lavrov beynəlxalq problemlərin həllində onların qətiyyəti və gücünü alqışlayıb. Onun sözlərinə görə, Cimmi Karter, BMT-nin keçmiş baş katibi Kofi Annan və digər keçmiş dünya liderlərindən ibarət qrupun üzvləri aprelin 29-da prezident Vladimir Putinlə də görüşəcəklər.

Səfər Ukraynanın şərqindəki münaqişəyə görə, Qərblə Rusiya arasındakı münasibətlərin gərginləşməsi fonunda gerçəkləşib.

“Yaşlılar” qrupunu bir araya 2007-ci ildə Nelson Mandela gətirib və hazırda ona Kofi Annan rəhbərlik edir.

Liderlər ibarət bu müstəqil qrup dünyada sülh və insan haqlarının müdafiəsi yönündə fəaliyyət göstərir.

Xəbər lenti

DAHA ÇOX XƏBƏR