• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Putin “Qırmızı meydan”dakı çıxışı zamanı Azərbaycanın adını çəkdi – FOTO

  • Dünya
  • 9 May 2015 16:51
  • 2 310 Baxış
Putin “Qırmızı meydan”dakı çıxışı zamanı Azərbaycanın adını çəkdi – FOTO

Rusiya prezidenti Vladimir Putin Böyük Vətən Müharibəsində qələbənin 70 illiyi münasibəti ilə “Qırmızı meydan”da keçirilən hərbi parad zamanı çıxış edib.

Kreml başçısı çıxışı zamanı faşizmin dünyaya gətirdiyi bəlalardan və SSRİ-nin Hitler Almaniyası üzərindəki qələbəsindən danışıb.

“Hitler Almaniyası dünya birliyi üçün böyük bir dərs oldu”,-deyə Rusiya rəhbəri qeyd edib.

O, Rusiya dövlətinin təhlükəsizlik sisteminin hazırlanması barədə də söz açıb.

Vladimir Putin deyib ki, Rusiyanın ümumi vəzifəsi digər dövlətlər üçün də bərabər təhlükəsizlik sisteminin qurulmasına xidmət etməlidir.

Rusiya lideri bildirib ki, onlar beynəlxalq aləmdə birqütblü dünya yaratmaq cəhdlərini görüblər.

Vladimir Putin çıxış edərkən Azərbaycanın da qələbənin 70 illiyi münasibəti ilə Moskvada keçirilən tədbirlərdə iştirak etdiyi xatırladıb.

Qeyd edək ki, Azərbaycan prezidenti İlham Əliyev və onun xanımı Mehriban Əliyeva da paradda iştirak ediblər.

Məlumat üçün bildirək ki, hərbi paradda mayor Mehdi Mahmudovun rəhbərliyi ilə 70 Azərbaycan hərbçisi də “Qırmızı meydan”dan keçib.

Prezident İlham Əliyev isə keçid zamanı Azərbaycan hərbçilərinə əl eləyərək onları salamlayıb.(modern)

Xəbər lenti

DAHA ÇOX XƏBƏR