Dünya
Pekin və Vaşintonun Ukrayna variantları
Rusiya ordusunun Krım bölgəsində nəzarəti ələ almasından sonra Ukraynada vəziyyət daha da gərginləşib. ABŞ və onun müttəfiqləri Moskvanın bu addımına cavab olaraq sanksiya xəbərdarlığı edirlər. İlk növbədə ABŞ-ın Rusiyaya cavab olaraq hansı addımlar atacağı maraqla gözlənilir.
Publika.Az –ın “Amerikanın səsi” radiosuna istinadən verdiyi məlumata görə, ABŞ Diplomatik Müdafiə Təlimləri İnsitutunun direktoru İan Von Qordon ciddi bir qarşıdurmanın baş verməcəyini deyir.
İki yaşlarında uşaqların bir-birinin ayağını basması
“ABŞ nə qədər hədələsə də, ciddi bir şey olmayacaq. Bu, iki
yaşlarında uşaqların bir-birinin ayağını basması demək olar.
Amerikanın səsini yüksəltməsinə baxmayaraq, Ukrayna Avropa üçün
başlıca məsələdir. ABŞ Avropanı ətrafında baş verənlərlə bağlı
ciddi addım atmağa sövq etməlidir”, - təhlilçi vurğulayıb.
Vaşinqtondakı Brukinqs institutunun xarici siyasət məsələləri
üzrə təhlilçisi Maykl Ohanlon Vladimir Putinin ordunu Ukraynanın
yeni qərbyönümlü hökumətinə meydan oxumaq üçün yerləşdirdiyini
deyir. Vaşinqtondakı Heritac Fondunda təhlilçi kimi çalışan Stiven
Buççi Ukraynanın ciddi şəkildə parçalanmaq təhlükəsi qarşısında
olduğunyu bildirir. O, Amerikanın Ukraynaya təsirinin məhdud
olduğunu deyir. “Bizim bu məsələ ilə bağlı danışmaqdan başqa
seçimimiz yoxdur və mən düşünmürəm ki, bunun bir təsiri olacaq”,-
Stiven Buççi deyir.
Rusiya yalan danışır?
Dünyanın böyük dövlətlərindən olan Çinin mövqeyi də çox
önəmlidir. Nəzərə almaq lazımdır ki, Çin BMT Təhlükəsizlik
Şurasının üzvüdür. Rusiya Çinin Ukrayna ilə bağlı əməliyyatlarını
dəstəklədiyini desə də, Çin hökuməti böhrana münasibət
bildirməyib.
Çinin Xarici İşlər Nazirliyinin sözçüsü Qin Qangın dediyinə görə,
Çin Rusiyanın daxili işlərinə müdaxilə etmək istəmir, tarixi
faktları nəzərə alır və vəziyyətin mürəkkəbliyini anlayır. Bu
bəyanat isə Rusiyanın Xarici İşlər Nazirliyinin Rusiya və Çinin
xarici işlər nazirlərinin telefon söhbətindən sonra yaydığı
bəyanatla təzad təşkil edir. Rusiya bildirir ki, Moskva və Pekin
Ukraynadakı vəziyyətlə bağlı fikilərini tam bölüşüb və Çin onun
Ukraynadakı hərbi əməliyyatlarına dəstək verir.
Lakin Çinin Xarici İşlər Nazirliyi Ukraynanın ərazi bötövlüyü və
suverenliyinə ehtiram göstərdiyini bildirir və tərəfləri regionda
sülhün müdafiəsi üçün dialoqa səsləyir. Çinin xəbər agetnlikləri
vəziyyətlə bağlı daha dəqiq açıqlama verir. Çinin “Global Times”
qəzetinin redaktor məqaləsində deyilib ki, Ukrayna hadisələri
beynəlxalq siyasi arenada prinsiplərin siyasi qüvvələr tərəfindən
müəyyən edildiyini göstərir. Çinin rəsmi
“Sinhua” agentliyi Qərbin qərəzli mövqeyinin Ukraynanı iflic
vəziyyətinə saldığını və bunun ölkədə vəziyyəti daha da
ağırlaşdırdığını bildirib.
Pekinin Beynəlxalq Əlaqələr Universitetinin professoru Vanq Donq
hesab edir ki, Çin mediası və hökumətinin ziddiyyətli mövqeyi Çinin
Ukrayna böhranından nə əldə edəcəyindən asılı olduğuna işarədir.
“Çin Ukrayna ilə biznes əlaqərinə malik olduğu üçün öz maraqlarını
güdür”, - o, qeyd edib.
Son illər Ukrayna ilə Çin hərbi, ticari və kənd təsərrüfatı
sahələrində tərəfdaşlıq qurub. 2012-ci ildə Ukrayna dünyanın silah
ixracı üzrə 4-cü ölkəsinə çevrilib. Çin isə Ukrayna silahının
alıcıları sırasında mühüm yer tutur. Çin Ukraynaya ilk
təyyarədaşıyan qurğunun inşasına yardım edib. Ötən il Ukrayna
ərazisinin 5 faizində əkinçilik və donuz yetişdirilməsi üçün
istifadə etməsinə dair icazə verib. Bunun müqabilində isə Çin
Ukraynaya magistral yollar və körpülərin inşasına yardım
etməlidir.
Bundan əlavə Çin Ukraynanın devrilmiş prezidenti Viktor Yanukoviçin dekabr ayında Pekinə səfəri zamanı bu ölkəyə 8 milyard dollar məbləğində yardım vəd verib. Ukrayna müharibəsi Çinin yatırımlarına təhlükə ola bilər.
Ömər Dağlı
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO