Dünya

Separatçı liderdən qaçış “fərmanı” - Geri çəkilin

5 İyun 2015 15:52

“Donetsk Xalq Respublikası” separatçı qurumun “dövlət başçısı” Aleksandr Zaxarçenko “respublika qoşunları”nın geri çəkilməsi barədə “fərman” verməyə məcbur olub.

Publika.az xəbər verir ki, bu barədə şəxsi mənbələrinə istinadən “62.ua” saytı bildirib.

Məlumata görə, separatçıların geri çəkilməsinin səbəbi 3 iyunda Marinka şəhəri yaxınlığında gedən döyüşlərdə şəxsi heyət və hərbi texnikanın böyük itkiləridir.

Qeyd edək ki, dünən Ukrayna Prezident Administrasiyasının anti-terror məsələləri üzrə sözçüsü Andrey Lısenko separatçıların itkilərini açıqlayıb. Onun sözlərinə görə, döyüşlərdə təxminən 80 separatçı öldürülüb, 100-dən çoxu yaralanıb. Lısenko rəqibin zirehli texnikasının 10-nun məhv edildiyini deyib.

Ömər Dağlı