Dünya

Tələbələri belə qamçıladılar - FOTOLAR

13 İyun 2015 18:14

İndoneziyada universitet tələbələri birlikdə vaxt keçirdiklərinə görə cəzalandırılıblar.

Publika.az xəbər verir ki, ölkənin Aceh bölgəsində yaşayan 3 cütlük təxminən min nəfərin qarşısında qamçılanıb.

Buna səbəb onların təkbaşına gəzintiyə çıxmasıdır. Qamçılanan gənclər 18-23 yaş arasındadır. Onlar Hind qamışından hazırlanan nazik çubuqla döyülüblər. Daha sonra 40 yaşlı bir qadın zina etdiyi üçün insanların gözü önündə qamçılanıb.

Döyülən qadınlardan biri dörd qamçıdan sonra huşunu itirib. Bölgənin rəsmi şəxsi isə bu hadisədən sonra həmin şəxslərin əməllərindən peşman olacaqlarına ümid etdiyini deyib.

Qeyd edək ki, bu bölgə 2001-ci ildən şəriət qanunları ilə idarə edilir. Burada eyni cinslilərin münasibəti, qumar və spirtli içki içməyin cəzası qamçıdır.

Burada qadınların axşam saat 23:00-dan sonra yanında həyat yoldaşı və ya bir kişi olmadan “əyləncə məkanlarına” getməsi qadağandır.

Gülxar