İŞİD tarixi şəhəri minaladı
Bizi izləyin

Dünya

İŞİD tarixi şəhəri minaladı

İŞİD terror qruplaşmasının silahlıları UNESCO-nun Mədəni İrs Siyahısına daxil edilmiş Palmira şəhərinin qədim hissəsini minalayıb.

APA-nın verdiyi xəbərə görə, bu barədə Suriyanın SOHR hüquq müdafiəsi təşkilatının rəhbəri Rami Əbdülrəhman bildirib.

“Onlar hələ ötən gün minalayıblar. Onlar həmçinin Roma teatrında da partlayıcı qurğu quraşdırıblar. Biz bunun səbəblərini hələ də bilmirik”, – Rami deyib.

Qeyd edək ki, qədim qalıqları UNESCO-nun Mədəni İrs Siyahısına daxil edilmiş Palmira şəhəri İŞİD silahlılarının nəzarətinə mayın ortalarında keçib. Şəhəri tərk etməzdən əvvəl Suriya ordusu əhalinin böyük hissəsini, 11 minədək hərbi və siyasi cinayətkarı, habelə qiymətli tarixi eksponatları şəhərdən təxliyə edib.

İŞİD silahlıları münaqişə başlayandan bu vaxtadək Suriyanın mədəni irsinin 750-dək obyektini dağıdıb.

Oxumağa davam et
Reklam
Reklam

Gündəm