• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Obama Putindən Ukraynadan çıxmasını tələb etdi

  • Dünya
  • 26 İyun 2015 11:02
  • 386 Baxış
Obama Putindən Ukraynadan çıxmasını tələb etdi

Rusiya prezidenti Vladimir Putin ABŞ-ın dövlət başçısı Barak Obamaya zəng edib.

Publika.az-ın Rusiya mediasına istinadən xəbər verir ki, telefon danışıqları zamanı Ukrayna böhranı, Minsk razılaşması, İŞİD və digər beynəlxalq məsələlər müzakirə olunub.

Liderlər fevralda imzalanmış Minsk razılaşmasına diqqət çəkərək, Ukrayna böhranını müzakirə ediblər. Həmçinin, razılaşmanın nə dərəcədə icra olunub-olunmaması ilə əlaqədar Rusiya xarici işlər nazirinin müavini Qriqori Karasin ilə ABŞ Dövlət Departamentinin Avrasiya məsələləri üzrə müavini Viktoriya Nulandın yaxın vaxtlarda görüşməsi qərara alınıb. Telefon danışıqları zamanı Barak Obama Rusiya hərbiçilərinin Ukrayna ərazilərindən çıxmasını tələb edib.

Eyni zamanda Putin və Obama Suriya və İŞİD-lə bağlı da müzakirələr aparıb. Bildirlib ki, yaxın zamanlarda Rusiya və ABŞ xarici işlər nazirləri bir araya gələrək, terrorizmlə bağlı məsələləri müzakirə edəcəklər.

Sonda isə Barak Obama və Vladimir Putin İranla "5+1" formatda davam edən müzakirələrin əhəmiyyətini qeyd ediblər.

Vasif Həsənli

Xəbər lenti

DAHA ÇOX XƏBƏR