Dünya
“Əl-Qaidə”yə ağır zərbə: “Dağ döyüşlərinin mütəxəssisi” öldürüldü
“Əl-Qaidə” terror təşkilatının ikinci adamı sayılan Mansur əl-Harbi ABŞ tərəfindən öldürülüb.
Publika.az xarici mediaya istinadən xəbər verir ki, Mansur əl-Harbi Əfqanıstanda pilotsuz təyyarə ilə təşkil edilən hücumda həyatını itirib.
“Əl-Qaidə”nin ən təcrübəli komandirlərindən biri olan Mansur əl-Harbi uzun müddətdir ABŞ kəşfiyyatı tərəfindən axtarılırdı. Səudiyyə Ərəbistanının vətəndaşı olan Mansur əl-Harbi “Əbu Muslim əl-Məkki” kod adından istifadə edirdi.
Mansur əl-Harbinin ölüm xəbəri ABŞ ordusunun mərkəzi qərargahl (CENTCOM) tərəfindən təsdiqlənib. Əfqanıstanda Talibana yaxın “Afghan Islamic Press” nəşri əl-Harbinin həyatını itirdiyini xəbər versə də, ölüm xəbəri ABŞ-ın kəşfiyyat mənbələrinə yaxınlığı ilə tanınan “Long War Journal” internet saytı tərəfindən təsdiqlənməyib.
Mansur əl-Harbi “Əl-Qaidə”nin Əfqanıstandakı hərbi komandiri olaraq tanınırdı. O, 2012-ci ildən bu yana ABŞ-ın dərc etdiyi “terror siyahısı”nda yer alıb. Mansur əl- Harbi həmçinin Səudiyyə Ərəbistanı Daxili İşlər Nazirliyi tərəfindən dərc olunan “terror siyahısı”na da daxil edilmişdi.
Birləşmiş Millətlər Təşkilatı (BMT) tərəfindən hazırlanan hesabatda onun “Əl-Qaidə” və Taliban ilə çalışdığı, 1990-cı illərdə Əfqanıstana gedərək “Əl-Qaidə”yə qatıldığı və xarici döyüşçülərin koordinasiyasına görə cavabdeh olduğu ifadə edilir. BMT eyni hesabatda “dağ döyüşlərinin mütəxəssisi” olduğu deyilən əl-Harbinin Kunar, Nuristan və Nancarhar kimi bölgələrdə NATO güclərinə qarşı əməliyyatlar hazırladığı qeyd edilib.
Ömər Dağlı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO