• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Türkiyə sərhədlərində 3 min MOSSAD agenti - HESABAT

  • Dünya
  • 2 İyul 2015 02:36
  • 829 Baxış
Türkiyə sərhədlərində 3 min MOSSAD agenti - HESABAT

Türkiyə prezidenti Rəcəb Tayyip Ərdoğanın sədrliyi ilə Milli Təhlükəsizlik Şurasının (MTŞ) iki gün əvvəl keçirilən iclasında Milli Kəşfiyyat İdarəsinin (MİT) təqdim etdiyi hesabat Türkiyə-Suriya sərhədində oynanılan oyunları bir daha ortaya qoydu.

Publika.az Türkiyə mediasına istinadən xəbər verir ki, hesabatda İsrailin kəşfiyyat qurumu MOSSAD-ın təlim keçdiyi 3 min agentin Türkiyə-Suriya sərhədlərinə göndərildiyi qeyd edilib.

Hesabata görə, MOSSAD əksəriyyəti kürdlərdən ibarət olan 3 min agentini iki il əvvəl Suriyanın şimalına göndərib. Qeyd edilir ki, kürd dili də daxil olmaqla, bölgədəki bütün yerli dillər və ləhcələrdə aksentsiz danışa bilən agentlər Suriyanın şimalındakı kantonları birləşdirərək Aralıq dənizinə çıxışı olan kürd dövləti yaratmaq üçün bölgəyə sızıb.

Hesabatda İsrail agentlərinin türkmən və ərəblərə qarşı etnik təmizliyin də memarı olduğu ifadə edilir. İsrail agentlərinin yalnız PYD içində olmadığı, İŞİD başqa olmaqla bölgədə döyüşən bütün silahlı qruplara sızdığı hesabatda əksini tapıb.

Ömər Dağlı

Xəbər lenti

DAHA ÇOX XƏBƏR