Dünya
Kiyev Donbasdakı rus generallarının adını Obamaya verdi - SİYAHI
“Rusiyanın beş generalı Ukraynada separatçı güclərin təşkili və komandanlığında əsas rol oynayır”.
Publika.az “Bloomberg View” nəşrinə istinadən xəbər verir ki, bu barədə Ukraynanın Təhlükəsizlik Xidmətinin Barak Obama administrasiyasına təqdim etdiyi sənəddə deyilir.
Nəşrin jurnalistləri Eli Leyk və Coş Roqinin sözlərinə görə, iyunun sonunda Ukrayna kəşfiyyatının rəhbərliyi sənədi Ağ Ev, Dövlət Departamenti və ABŞ-ın kəşfiyyat xidmətlərinin əməkdaşlarına təqdim edib.
“ABŞ-ın rəsmi şəxsləri sənədi aldıqlarını təsdiq ediblər və bizə deyiblər ki, informasiya bütovlükdə Rusiyanın Ukraynadakı fəaliyyəti ilə bağlı ABŞ kəşfiyyatının informasiyalarına uyğun gəlir”, - jurnalistlər bildiriblər.
Ukraynanın Təhlükəsizlik Xidmətinin sənədində Rusiya generallarının ünvanına konkret ittihamlar səsləndirilib. General-mayor Oleq Sekov Luqansk xalq milisinin iki briqadasına, general-mayor Valeri Solodçuk Donetskdəki “Novorossiya” silahlı qüvvələrinin birinci ordu korpusuna, general-mayor Sergey Kuzovlev Luqanskda Rusiya hərbçilərinin əməliyyatlarına, general-mayor Aleksey Zavizion Donetsk vilayətində Rusiya hərbi əməliyyatlarına başçılıq edir. General-mayor Roman Şadrin “Luqansk Xalq Respublikası”nın (“LXR”) “dövlət təhlükəsizliyi naziri”dir. Eyni zaamanda bildirilir ki, polkovnik Anatoli Barankeviç (qondarma Cənubi Osetiya respublikasının keçmiş müdafiə naziri) “LXR”də döyüş hazırlığı üzrə məsləhətçi kimi xidmət edir.
Nyu-York Universitetinin əməkdaşı, ekspert Marka Qaleotti hesab edir ki, Donbasdakı Rusiya generallarının adlarının müəyyənləşdirilməsi əhəmiyyətli addımdır. “Biz indiyə kimi Ukraynada Rusiya leytenantları, kapitanları və mayorların adlarını eşitmişik. Amma indi generalların adları açıqlanıb”, - Ukraynanın Təhlükəsizlik Xidmətinin sənədində deyilir.
Sənəddə bildirilir ki, Ukrayna kəşfiyyat xidmətinin qiymətləndirməsinə görə, Ukraynada hazırda Rusiya nizami ordusunun 9 min hərbi qulluqçusu var.
Ömər Dağlı
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək