• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Kiyev Rusiya qazının tranzit şərtlərini açıqladı

  • Dünya
  • 8 İyul 2015 09:19
  • 342 Baxış
Kiyev Rusiya qazının tranzit şərtlərini açıqladı

Kiyev Rusiya qazının Avropaya tranzitinin şərtlərini açıqlayıb.

Publika.az “RBK-Ukrayna”ya istinadən xəbər verir ki, Ukraynanın baş naziri Arseniy Yasenyuk ötən il Avropa Birliyi, Ukrayna və Rusiya arasında qazın çatdırılması və tranziti haqqında əldə olunan razılaşmanın icrasının davam etdirilməsini istədiyini bildirib.

“Rusiya qazının hazırkı bazar qiyməti min kubmetr üçün 250 dollar təşkil edir. Amma rusların fikrincə, onlar qazı 300 dollara sata və deyə bilərlər ki, 50 faiz endirim edirlər. Bu? endirim deyil, bazardır. Biz “Qazpprom”a dotasiya verməyəcəyik”, - Ukraynanın baş naziri deyib.

Dünən Ukrayna prezidenti Pyotr Poroşenko iyulun 7-də bildirib ki, “Naftoqaz” və “Qazprom” arasındakı tranzit razılaşması uzadıla bilər: “Əminəm ki, “Naftoqaz” və “Qazprom” arasındakı tranzit razılaşması 2019-cu ildən sonra da davam etdiriləcək. Çünki bunun alternativləri yoxdur”.

Xatırladaq ki, “Qazprom” iyulun 1-dən qazın Ukraynaya çatdırılmasını dayandırıb. Şirkət mavi yanacaq üçün Ukrayna tərəfindən ödənişin əvvəlcədən edilməsini tələb edir. Öz növbəsində, Ukrayna tərəfi qiymətdə razılaşma olmadığı üçün Rusiya qazını almaqdan imtina edib.

Ömər Dağlı

Xəbər lenti

DAHA ÇOX XƏBƏR