Dolu və sel Hacıkəndə ciddi ziyan vurdu
Bizi izləyin

Ekologiya

Dolu və sel Hacıkəndə ciddi ziyan vurdu

Bəzi evlərə sel suları dolub.

Qərb bölgəsində müşahidə olunan leysan yağışları Gəncənin Hacıkənd qəsəbəsində sonradan doluya çevrilib.

Publika.az xəbər verir ki, güclü dolu səbəbindən qəsəbə infrastrukturuna ciddi ziyan dəyib. Dolunun ölçüsü 3 sm-ə çatıb.

126 evdən 114-nün dam örtüyü, pəncərələri qırılıb, bəzi evlərə sel suları dolub. Eyni zamanda sosial obyektlərə, əkin sahələri və 15-dək avtomobillərə ziyan dəyib. Qoşa bulaq yararsız hala düşüb. Gəncə şəhər İcra Hakimiyyətinin başçısı Elmar Vəliyev Hacıkənd qəsəbəsində olub, təxirəsalınmaz tədbirlərin görülməsi üçün göstərişlərini verib.

Dəyən ziyanın miqdarını müəyənləşdirmək və fəsadları aradan qaldırmaq üçün şəhər Fövqəladə Hallar Komissiyasının üzvləri Hacıkənddə tədbirlərə başlayıb.

Qeyd edək ki, qərb bölgəsinin Qazax, Aqstafa, Daşkəsən və Göygöl rayonlarına da güclü yağış və dolu düşüb. Hazırda aidiyyəti qurumlar fəsadların aradan qaldırılması istiqamətində tədbirlər həyata keçirirlər. (apa)

Oxumağa davam et
Reklam
Reklam

Gündəm