Ekologiya

Bir neçə saata... - Meteohəssas insanların DİQQƏTİNƏ!

17 Avqust 2017 20:12

Günəş küləyinin güclü axınının səbəb olduğu güclü maqnit tufanı ən yaxın bir neçə saata özünün pikinə çatacaq.

Publika.az layf.ru saytına istinadən xəbər verir ki, bu haqda Rusiya Elmlər Akademiyasının Yer maqnetizmi, ionosfer və radio dalğalarının yayılması İnstitutunun kosmik şüaların variasiyası laboratoriyasının rəhbəri Anatoli Belov deyib.

Maqnit tufanı daha sonra azalacaq. Alimin sözlərinə görə, maqnit tufanının səviyyəsi doqquz mümkün baldan dörd bal qiymətləndirilir.

TESİS kosmik laboratoriyasının məlumatlarına əsasən, avqustun 15-də Günəşdə üç güclü parıltı qeydə alınıb. Həmçinin avqustun 31-də zəif maqnit tufanı gözlənilir.

Qeyd edək ki, geomaqnit tufanları meteohəssas insanlarda başağrıları, miqren, nəbzin sürətlənməsi, yuxusuzluq, əhvalın pisləşməsi, yaşam tonusu səviyyəsinin aşağı düşməsi, qan təzyiqinin "sıçrayış"larına səbəb olur.

Ömər