• USD 1,7000 0,00% EUR 1,9906 +0,01%
    • GBP 2,2728 +0,01% RUB 0,0276 -0,36%

Kürdə vəziyyət TƏHLÜKƏLİDİR

  • Ekologiya
  • 5 Sentyabr 2017 13:41
  • 477 Baxış
Kürdə vəziyyət TƏHLÜKƏLİDİR

Kür çayı və qollarında biogen maddələrin miqdarı normadan dəfələrlə çoxdur.

Publika.az xəbər verir ki, bu barədə Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin apardığı monitorinqin nəticələrində qeyd olunub.

Avqust ayının III ongünlüyündə Kür çayında suyun sərfi avqust ayının II ongünlüyünə nisbətən 0.9 m3/san azalaraq 75.4 m3/san təşkil edib. Monitorinqin nəticələrinə əsasən Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində Kür çayı və onun qollarında biogen maddələrin miqdarının normadan dəfələrlə artıq olması müşahidə olunub.

Suyun tərkibindəki spesifik çirkləndiricilərdən fenollar Şıxlı-2 məntəqəsində 4, Ağstafaçayda 2, Ağstafaçay su anbarında isə 3 dəfə yol verilən qatılıq həddini (YVQH) keçib. Avqust ayının III ongünlüyündə aparılan monitorinqlərin nəticələrinə görə, fenollar Araz çayı üzrə Horadizdə, I Şahsevəndə və Bəhramtəpədə 2 dəfə YVQH-ni keçib. Suyun oksigen rejimi bütün məntəqələrdə 5.65-7.60 mq/l arasında olmaqla sanitar norma daxilində dəyişib.

Загрузка...

Xəbər lenti

DAHA ÇOX XƏBƏR
/body>