560 bakalavr ərizəsini təsdiq etmədi - DİM
Bizi izləyin

Elm və təhsil

560 bakalavr ərizəsini təsdiq etmədi - DİM

Ərizələrini təsdiq etməyənlər imtahanların ikinci mərhələsinə buraxılmayacaq.

Magistratura və rezidenturaya qəbul imtahanının II mərhələsində iştirak etmək üçün qeydiyyat mayın 22-si saat 23:59-dək davam edəcək.

Bu barədə Publika.az-a Dövlət İmtahan Mərkəzindən məlumat verib.

Bu gün saat 17:30-a olan məlumata əsasən magistraturaya qəbul imtahanının II mərhələsində iştirak etmək üçün 6540 bakalavr proqram seçimini təsdiq edib. 560 bakalavr elektron ərizəsinə daxil olub proqram seçimi etsə də, ərizəsini təsdiq etməyib.

Rezidenturaya qəbul olmaq üçün ixtisas fənləri üzrə biliklərin qiymətləndirilməsi imtahanında iştirak etmək hüququ olan 665 namizəddən 449 nəfəri imtahanın ikinci mərhələsində iştirakını təsdiq edib.

Magistratura və rezidenturaya qəbul imtahanının II mərhələsində iştirak etmək istəyənlər qeyd olunan tarixədək elektron ərizələrini təsdiq etməlidirlər. Ərizələrini təsdiq etməyənlər imtahanların ikinci mərhələsinə buraxılmayacaq.

Oxumağa davam et
Reklam
Reklam

Gündəm