Elm və təhsil
Kimyaçı alim 80 yaşında
Bakı Dövlət Universitetində tanınmış kimyaçı alim, Əməkdar elm xadimi, Neft kimyası və kimya texnologiyası kafedrasının müdiri, professor Musa Bayramovun 80 illik yubileyi münasibətilə tədbir keçirilib.
Universitetin mətbuat və informasiya şöbəsindən Publika.az-a verilən məlumata görə, rektor Abel Məhərrəmov yubiley tədbirini açaraq alimin həyat və fəaliyyətindən danışıb.
Bildirib ki, ömrünün böyük hissəsini BDU-da ixtisaslı kadrların hazırlanmasına sərf edən Musa Bayramov Azərbaycanda neft kimyası sahəsində bir çox elmi yeniliklərin müəllifi kimi tanınıb. Rektorun sözlərindən məlum olub ki, alim 500-dən çox elmi əsərin, o cümlədən 40-dək müəlliflik şəhadətnaməsi və 20-dən çox patentin, monoqrafiyaların, dərslik, dərs vəsaiti, dərs proqramı və metodik göstərişin müəllifidir, onun rəhbərliyi ilə 20-dən çox elmlər doktoru və elmlər namizədi müdafiə edib.
Sonra Kimya fakültəsinin dekanı, professor Abdulsəyid Əzizovun “Fədakar alim, profesor Musa Bayramovun həyat və yaradıcılığı”adlı məruzəsi dinlənilib.
Yubiley tədbirində akademiklər Dilqəm Tağıyev, Vaqif Abbasov, Vaqif Fərzəliyev, BDU-nun kafedra müdiri, professor Əyyub Əzizov, Azərbaycan Dövlət Neft və Sənaye Universitetinin prorektoru, professor Qasım Məmmədov, BDU-nun Ekologiya və torpaqşünaslıq fakültəsinin dekanı, professor Nazim Şəmilov və Kimya fakültəsinin 3-cü kurs tələbəsi Nəzrin Baxşıyevanın yubilyarla bağlı çıxışları dinlənilib.
Sonda çıxış edən professor M.Bayramov yubiley tədbirinin keçirilməsinə görə BDU rəhbərliyinə və iştirakçılara təşəkkürünü bildirib.
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT