• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Daim qüsursuz görünən məşhurların pəhriz sirləri

Daim qüsursuz görünən məşhurların pəhriz sirləri

Dəbin və yeni gözəllik etalonlarının formalaşmasında məşhur xanımların rolu böyükdür. Bu səbəbdən də gözəl görünmək istəyən qadınların, adətən, məşhurlardan nümunə götürməsi, onların geyim və saç tərzini təqlid etməsi təəccüblü hal deyil.

Bəs, görəsən, gözəl məşhurlar ideal çəkilərini necə qoruyurlar?

Publika.az bu yazıda tanınmış simaların formada qalmaq üçün hansı üsullardan istifadə etdiyinə dair məlumatları təqdim edir:

Cennifer Lopez: Daim gözəl qalmağı bacaran müğənni çəkisini saxlamaq üçün böyük səy və güc sərf edir. Gözəl məşhur ürəyi istədiyi hər şeyi yediyini, lakin şirniyyatda özünə məhdudiyyət qoyduğunu deyib. Pop diva gözəlliyini idmana və rəqsə borcludur. Bundan başqa, 46 yaşlı müğənni hər gün çoxlu su içir və meyvə-tərəvəz yeyir.

Demi Mur: Dünyaca məşhur gözəllər arasında yer alan Demi Mur 51 yaşında olmasına baxmayaraq, son dərəcə qüsursuzdur. Demi Mur orqanizminin şirniyyata olan ehtiyacını ödəmək üçün alma dilimlərinin üzərinə fıstıq əzməsi sürtüb yeyir.

Miranda Kerr: Füsunkar gözəlliyə malik olan məşhurlardan biri də Miranda Kerrdir. Gözəl model yeməklərinə hind qozu yağı əlavə etdiyini, həmçinin, yoqa və pilateslə məşğul olduğunu deyib.

Madonna: Dəlisov müğənni Madonna isə olduqca fərqli bir pəhriz tətbiq edir. Onun sözlərinə görə, yeməkləri hazırlayır, iyləyir, amma yemir.

Karmen Elektra: Amerikalı modelin də pəhrizi qəribəliyi ilə seçilir. Dünyaca məşhur gözəllər arasında yer alan Karmen Elektranın pəhriz sirri qreypfrut yağıdır. Məsələ burasındadır ki, model qreypfrut yağını ancaq iyləməklə kifayətlənir. Deyilənlərə görə, bu yağın qoxusu toxluq hissi aşılayır.

Cennifer Eniston: Məşhur gözəl səhər yeməyi yemir. Bunun əvəzinə yağlarını yandırması üçün bir stəkan limon suyu içməyə üstünlük verir.

Aytən

Xəbər lenti

DAHA ÇOX XƏBƏR