• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Üzdəki qırışları açan çərəz

Üzdəki qırışları açan çərəz

Stress, orqanizmdə toplanan toksinlər, günəşin ultra bənövşəyi şüaları, artıq çəki kimi faktorlar insanı tez yaşlandırır. Bu faktorlar 35 yaşdan sonra dərinin elastikliyini itirməsinə və üz dərisinin sallanmasına, həmçinin, dərinin qırışmasına səbəb olur. Baxımsız insanların dərisi daha tez təxminən, 26-30 yaşdan etibarən qırışmağa başlayır.

Ancaq hər dərdin çarəsi olduğu kimi zamanla mübarizə aparıb, ətraf mühitin dəriyə təsirlərini azaltmağın da yolları var. Daha sağlam və gənc dəriyə sahib olmaq üçün tərkibində bol miqdarda antioksidantlar olan qidalar yemək lazımdır.

Mütəxəssislər dəri yaşlanmasının qarşısını almaqda ən təsirli qidanın günəbaxan tumu olduğunu bildirirlər. Günəbaxan tumunun tərkibində dəri üçün ən faydalı vitamin hesab edilən E vitamini var. Bu vitamin dəri hüceyrələrini yeniləyir və qoruyur. Gündə 15 mq. E vitamini qəbul edən insanların dəriləri daha gec qırışır.

Günəbaxan tumu həm də selen mineralı ilə zəngindir. Yetkin insan gün ərzində 50 mikroqram selen mineralı qəbul etməlidir. Günəbaxan tumunun 100 qramında isə 79.3 mikroqram selen mineralı var.

Günəbaxan tumunun tərkibindəki maddələr orqanizmin daha çox kollagen istehsal etməsinə təkan verərək dəri sallanmasının qarşısını alır. Həmçinin, dərinin daha sağlam və parlaq görünməsini təmin edir.

Bütün bunlar onu göstərir ki, gözəl görünmək üçün bahalı vasitələrə ehtiyac yoxdur. Gündə bir ovuc günəbaxan tumu çıtlayaraq sağlam dəriyə sahib olmaq mümkündür.

Ləman Sultan

Xəbər lenti

DAHA ÇOX XƏBƏR