İqtisadi gündəm
Hökumət borclanma siyasətini sərtləşdirir
Dövlətin orta və uzunmüddətli borc siyasəti strategiyası hazırlanıb.
Publika.az xəbər verir ki, bu barədə 2018-ci ilin dövlət və
icmal büdcələri üzrə layihələrin təqdimatında qeyd edilib.
Sənəddə vurğulanıb ki, strategiyada borcun tədricən azaldılması
növbəti ildən başlayaraq dövlətin birbaşa və dövlət zəmanəti
əsasında dövlət müəssisələrinin xarici kredit qurumlarından borc
alınmasının sərt çərçivələri müəyyən olunub və yalnız ölkənin
prioritet hesab olunan edilən layihələrin maliyyələşdirilməsi üçün
kredit vasitələrinin cəlb edilməsi nəzərdə tutulub.
Azərbaycanın 2018-ci il üzrə daxili dövlət borclanmasının yuxarı
həddi (limiti) 700 mln. manat (2017-ci ilə nisbətən 300 mln. manat
və ya 30% az), xarici dövlət borclanmasının yuxarı həddi 1 mlrd.
manat (2017-ci ilə nisbətən 3,5 mlrd. manat və ya 77,8% az), il
ərzində veriləcək dövlət zəmanətlərinin məbləğinin yuxarı həddi 4
mlrd. manat (217-ci ilə nisbətən 6 mlrd. manat və ya 60% az)
məbləğində proqnozlaşdırılıb. Bununla yanaşı, dövlətə məxsus olan
hüquqi şəxslərin birbaşa borclanmasının da sərtləşdirilməsi
istiqamətində zəruri addımlar atılıb. Belə ki, Azərbaycan
prezidentinin 2016-cı il 28 dekabr tarixli fərmanı ilə "Dövlətə
məxsus olan hüquqi şəxslərin daxili və xarici borcalması qaydası"
təsdiq edilib. Eyni zamanda, qeyd edilən fərmanın müvafiq bəndinin
icrasını təmin etmək məqsədilə dövlətə məxsus olan hüquqi şəxslərin
daxili və xarici borcalması qaydalarının pozulmasına görə
məsuliyyət müəyyən edən qanun və onların tətbiq edilməsi barədə
müvafiq fərman layihələri hazırlanıb.
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA