İqtisadi gündəm

Ermənilər geri çəkildi

3 Avqust 2014 03:59

Cəbhə xəttində atəşkəsi son günlər intensiv şəkildə pozan ermənilər Azərbaycan ordusunun sərt təpkisi müqabilində geri çəkilməli olublar. Ermənistan rəsmiləri isə bunun müqabilində atəşkəs rejiminin yaratdığı "qarşılıqlı hüquqi öhdəliklər"dən danışmağa başlayıblar. Bu barədə Ermənistan prezidentinin rəsmi köməkçisi Arman Saqatelyan bəyan edib.

Publika.az-ın məlumatına görə, Saqatelyan ABŞ Dövlət Departamentinin hər iki münaqişə tərəfinə etdiyi müraciəti şərh edərkən belə deyib.

Onun sözlərinə görə, “1994-cü ildə əldə edilən atəşkəs müqaviləsi tərəflərə açıq-aydın hüquqi öhdəliklər verir və bunlara hörmət göstərmək lazımdır”.

“Dağlıq Qarabağ münaqişəsi yalnız sülh yolu ilə həll oluna bilər” - deyə, Saqatelyan sözlərinə əlavə edib.