İqtisadi gündəm
BBC-dən acı etiraf: İraqda azərbaycanlılar qırılır
İngiltərənin nüfuzlu media orqanı olan BBC dünyanın İraqda yezidilərə yardım kampaniyası keçirdiyi bir vaxtda Azərbaycan mənşəli türkmanların unudulduğunu yazıb.
Publika.az xəbər verir ki, məqalədə Kərkükün cənubundakı türkmanların yaşadığı kiçik şiə qəsəbəsi olan Əmirlinin 2 aydır ki, terrorçular tərəfindən mühasirədə olduğunu bildirilib.
Ətraf kənd və qəsəbələrdə qırğınlar törədən İŞİD terrorçularının mühasirəsində olduğu qəsəbədən reportaj hazırlayan BBC burada insanların dərman çatışmazlığından və acından qırıldığını qeyd edib.
“Mosul hücumundan sonra Əmirli ətrafındakı bütün türkman kəndləri İŞİD-in əlinə keçdi. İnsanları öldürüb cəsədlərini görülsün deyə kəndlərin kənarına toplayıblar”, - deyə qeyd olunan yazıda qəsəbə sakinlərinin əksəriyyətinin şiə olduğu və bu səbəbdən də İŞİD tərəfindən “dindən dönmüş” sayılıb birbaşa hədəfə çevrildiyi ifadə olunub.
Qəsəbə sakinlərinin verdiyi məlumata görə, kənddə duzlu sudan başqa
heç nə yoxdur:
“Yalnız duzlu su var. O da ishal və digər xəstəliklərə gətirib çıxarır. Mühasirə başlanandan bəri 50-dən artıq adamı itirmişik. Susuzluq və xəstəlikdən ölənlər arasında uşaqlar da var. Humanitar yardım demək olar ki, yoxdur. Hərdən vertolyotla gətirilir”.
Kənd ağsaqqallarının qəzetə verdiyi məlumata görə, 20 min türkman ölümlə qarşı-qarşıyadır:
“Humanitar fəlakətlə qarşı-qarşıyayıq. 20 min türkman ölümlə çarpışır. Uşaqlara üç gündə bir dəfə yemək veririk. Azuqəmiz yoxdur. İnsanlar çox cüzi yaranmış yaralardan ölür. Çünki müalicə edə bilmirik. Qəsəbəni bizdən başqa müdafiə edən yoxdur. Özümüzü və torpağımızı qorumaq üçün döyüşürük. Döyüşənlər arasınıda 13 yaşlı uşaqlar da var. Bu da bizim cihadımızdır”.
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO