• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Azərbaycanın çaylarında suyun səviyyəsi qalxıb

Azərbaycanın çaylarında suyun səviyyəsi qalxıb

Publika.Az-ın Nazirliyin rəsmi saytına istinadən verdiyi məlumata görə, Böyük Qafqazın çaylarında sululuq ongünlük normanın 60-110, Kiçik Qafqazın çaylarında 55-85, Lənkəran-Astara bölgəsi çaylarında 50-110, Naxçıvan MR çaylarında isə normanın 10-15%-ni təşkil edir.


İyunun 17-də yağan yağışlarla əlaqədar Kür çayının Qıraqkəsəmən məntəqəsində suyun səviyyəsində 10 sm artım müşahidə olunub. Lakin iyunun 18-də səviyyə 7 sm azalıb. Hazırda məntəqədə su sərfi 156 m3/san olmaqla, ongünlük normanın 26 faizini təşkil edir. Ötən il isə bu rəqəm 3 dəfə çox olmaqla 457 m3/san və ongünlük normanın 77 faizini təşkil etmişdi.

Qanıx çayının Əyriçay məntəqəsində isə son günlərdə suyun səviyyəsində nisbətən azalma müşahidə olunub. Hazırda məntəqədə su sərfi 114 m3/san olmaqla, ongünlük normanın 67 faizini təşkil edir. Ötən ilin eyni dövründə isə, bu göstərici 2 dəfə yüksək olmaqla 272 m3/san və ongünlük normanın 161 faizinə bərabər olmuşdu.

Kür çayının aşağı axınında suyun səviyyəsində artım müşahidə olunub. Belə ki, iyunun 14-dən başlayaraq Surra məntəqəsində suyun səviyyəsində 27 sm, Şirvanda 26 sm, Salyanda 20 sm, Bankədə 18 sm, Araz çayının Novruzlu məntəqəsində isə 30 sm artım qeydə alınıb.

Surra məntəqəsində suyun səviyyəsi 380 sm, Şirvanda 242 sm, Salyanda 203 sm, Bankədə 235 sm, Araz çayının Novruzlu məntəqəsində isə 100 sm təşkil edir.

Kifayət
Publika.Az

Xəbər lenti

DAHA ÇOX XƏBƏR