• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

MSK: Saat 17:00-yə kimi seçicilərin 36,38 faizi səs verib

MSK: Saat 17:00-yə kimi seçicilərin 36,38 faizi səs verib

Mərkəzi Seçki Komissiyası (MSK) Katibliyinin Seçkilər İnformasiya Mərkəzinin müdiri Rüfət Gülməmmədov bu gün Azərbaycanda keçirilən bələdiyyə seçkiləri ilə bağlı saat 17:00-yə olan seçki fəallığının nəticələrini açıqlayıb.

Publika.az-ın məlumatına görə, R.Gülməmmədov dekabrın 23-də keçirilən bələdiyyə seçkilərində respublika üzrə saat 17:00-dək 481 93 82 seçicidən 1753394 nəfəri səs verib. Onun sözlərinə görə, saat 17.00-dək olan seçici fəallığı 36,38 faiz təşkil edib: “Ən fəal seçki dairəsi 53 saylı Quba-Qusar seçki dairəsi dairəsidir.

R. Gülməmmədov bildirib ki, səsvermə başlandığı saatdan indiyə qədər Mərkəzi Seçki Komissiyasının 115 nömrəli “qaynar xətt”inə ümumilikdə 116 müraciət daxil olub: “Müraciətlər əsasən seçki məntəqələrinin ünvanlarının öyrənilməsi, yəni informasiya xarakterli olub. Bununla bağlı əməkdaşlarımız tərəfindən lazım olan işlər görülür. Hazırda qanun pozuntuları ilə bağlı MSK-ya müraciət daxil olmayıb”.

Xatırladaq ki, seçkilərdə 1607 bələdiyyə üzrə 15 min 35 bələdiyyə üzvlüyünə 37 min 77 namizəd iştirak edir. 13 min 907 nəfər səkkiz siyasi partiya tərəfindən, 23 min 61 nəfər fərdi qaydada, 109 nəfər isə təşəbbüs qrupu tərəfindən namizəd irəli sürülüb. Seçkiyə qatılanlardan 18 min 284 nəfər namizəd bitərəfdir. Namizədlər arasında 30 siyasi partiyanın təmsilçiləri var. Ümumilikdə, 4 milyon 819 min 382 seçici 5 min 15 məntəqədə səs verəcək. Ölkədə 118 seçki dairəsi üzrə 1000 seçki məntəqəsində veb-kamera quraşdırılıb ki, bu da məntəqələrin 20 faizini təşkil edir.

Builki bələdiyyə seçkisini 50 mindən çox müşahidəçi izləyir. Onlardan da 26 mindən çoxu siyasi partiya təmsilçisidir.

5015 məntəqə üzrə keçirilən bələdiyyə seçkiləri saat 19.00-da başa çatacaq.

Seçkilərin “exit-poll” tədqiqatını “ELS” Müstəqil Araşdırmalar Mərkəzi həyata keçirir.

Asif Nərimanlı

Xəbər lenti

DAHA ÇOX XƏBƏR