Ermənistan əsir düşən hərbçisindən imtina etdi

Ermənistan ötən gün Ağdam istiqamətində təmas xəttini yarmağa cəhd edərkən erməni diversiya qrupunun əsir düşən bir nəfər hərbçidən imtina edib.

Publika.az-ın məlumatına görə, erməni tərəfi Arsen Eduardoviç Baqdasaryan adlı hərbçinin müqavilə əsasında hərbi hissələrdən birində bir müddət xidmət etdiyini təsdiqləsə də, nizam-intizam qaydalarını pozduğuna görə, vəzifəsindən müvəqqəti azad edildiyini bildirib.

Qeyd edək ki, 26 dekabr axşam saatlarında cəbhənin Ağdam rayonu istiqamətində ermənilərin kəşfiyyat-təxribat qrupu qoşunların təmas xəttini keçməyə cəhd göstərib.

Müdafiə Naziliyinin mətbuat xidmətindən Publika.az-a verilən məlumata görə, müdafiənin ön xəttində yerləşən bölmələrimizin sayıqlığı nəticəsində düşmənin bu cəhdinin qarşısı əvvəlcədən aşkar edilərək alınıb. Qısa atışmadan sonra xeyli sayda itki verərək geri çəkilən düşmənin kəşfiyyat-təxribat qrupunun üzvü peşəkar hərbi qulluqçu, ilkin məlumata görə Baqdasaryan Arsen Eduardoviç əsir olaraq ələ keçirilib.

Hazırda saxlanılan erməni əsirin fəaliyyəti ilə bağlı araşdırma aparılır.