İqtisadi gündəm

Fazil Mustafa: "Bu, ermənilərə işləyən şəbəkənin işidir"

16 Yanvar 2015 06:25

Millət vəkili Fazil Mustafa Azərbaycan tarixi haqqında söylədiyi fikirlərin erməni mətbuatında əleyhimizə istifadə olunmasına münasibət bildirib.

Publika.az xəbər verir ki, millət vəkili bunu ermənilərə işləyən şəbəkənin fəaliyyəti hesab edir.

“ANS kanalında bir suala yönəlik bildirmişəm ki, 1918-ci ilədək Azərbaycan adlı dövlət olmayıb. Nə olsun? Heç Türkiyə, Ermenistan, İran adlı dövlətlər də olmayıb. Götürüb erməni və İran saytlarına ötürürlər ki, guya demişəm ki, tarixdə Azerbaycan dövleti olmayıb”, Fazil Mustafa Facebook səhifəsində yazıb.

“Bu bir tarixi faktdır ki, Azərbaycan adı ilə ilk dövlətimiz 1918-ci ildə qurulub. Bütün ləyaqətsiz və yalançı vətənsevərlər şivən qoparırlar ki, bu İran ve erməni mediasında da gedib. İnformasiyanı təhrif edərək göndərmisiniz, o cür də veriblər. Mənim ifadəmi təhrif edərək böhtan atan insanların hərəkətləri həqiqətən də nadanlıqdan başqa bir şey deyildir”. – millət vəkili əlavə edib.